استيقظ أهالي محافظة اللاذقية على أصوات إطلاق رصاص وقنابل من قبل شبيح استهدف سيارات عند جسر جبلة على أوتوستراد اللاذقية، بحسب ما ذكر نشطاء وصفحات محلية على مواقع التواصل الاجتماعي.
وفي وقت أكدت فيه الصفحات المحلية إطلاق النار والقنابل، تحدثت وسائل إعلام أسد عن حادث مروري أسفر عن وفاة امرأة، إذ قالت صحيفة "الوطن" المحلية نقلاً عن مصدر من مدينة اللاذقية إنه عند حوالي الساعة 6:30 صباح اليوم، وقع حادث سير قرب جسر جبلة على أوتوستراد اللاذقية، أدى إلى وفاة امرأة.
وكذّب عدد كبير من السوريين خبر "الوطن"، مؤكدين أن المنطقة موقع الحادث شهدت إطلاق نار ورمي قنابل، وتساءل أحدهم مخاطباً الصحيفة: "حطو شو سبب الحادث ليش محروجين؟؟؟؟"، وقال آخر مستنكراً: "بس هيك حادث سير .... يعني شو التفاصيل خبرونا؟؟؟"، وعلّق آخر: "ليش مابتذكروا التفاصيل الي ادت للحادث".
شبيح بلباس رسمي
ونقلت صفحة "أخبار اللاذقية" عن شاهد عيان قوله: "ليوم الصبح كان شي مرعب كنت نازل عالدوام ل تحت جسر القرداحة شخص بلباس رسمي حامل روسيه بايدو وعم يقوص عالسيارات وعالسرافيس ... انا كنت اخر مقعد بالسرفيس اجت الطلقه بالطبون وكمان تسبب بحادث سير عالاتوستراد وتوفت امرأة .. الله يرحما".
أما صفحة "عاجل اللاذقية لحظة بلحظة"، فقد نقلت تفاصيل ما حدث من مواطنين كانوا موجودين على الأوتوستراد: "شخص يرتدي لباس رسمي يقود سيارة يطلق النار على الاتستراد تحت جسر جبلة والقرداحة على السيارات والسرافيس فيتسبب بحادث سير تحت جسر جبلة وللاسف عدد من الوفياة نتيجة الحادث".
وكتب أحد الأشخاص الذين كانوا في الموقع، عبر "فيسبوك": "مجرم تحت جسر جبلة يقوم باطلاق النار ورمي القنابل على السيارات ويوجد أشلاء جثت على الطريق يرجى الحذر".
فوضى سلاح وتشبيح
وأثارت حادثة إطلاق النار سخط واستياء سوريين على مواقع التواصل الاجتماعي، فكتب أحدهم: "حابب يعمل اكشن ، هذه شبيحة الاسد لا تخشى شيئا"، وقال آخر:"لك عمي هي سورية مو حيالله هيدي سورية الفوضى سورية بيت الاسد".
وعلّق أحدهم: " المهم انو ابن جبله فرغ الشحنات يلي جواتو واستلذ بهذا الشي.. دام ابن جبله عمل هيك بطريق وبمكان مثل جبله وتحت جسر القرداحه !!!!.. مو غريبه شي عادي منهم بكون ابن شي .......".
وأشار آخر: "منستاهل اكتر من هيك حكينا كتير ولاحد عبرنا ليش السلاح بأيد العالم يعني والله وزير الدفاع و وزير الداخلية مسؤلين عن كل شيئ يحصل مثلا عسكري او عنصر امن شوفي داعي يستلم سلاح ويحتفظ في بيبتو ليش مافي مركز امانات بدوامو لازم يكون معو سلاح هاد التخلف لاأيمتا بدنا نضل فيه كل سنة بروح ضحايا بيسبب ناس مانن اهل لحمل السلاح نرجو الاجرائات الازمة في اقصا سرعة".
التعليقات (1)