مخرج سوري يسخر من مسلسل (على صفيح ساخن): حقق كل أحلام فرع التوجيه المعنوي عن الدمشقيين!

أورينت نت – متابعات
تاريخ النشر: 2021-05-09 14:35
رغم ما تحظى به الدراما الرمضانية من متابعة وتعليقات على وسائل التواصل الاجتماعي، إلا أن مراقبة معظم ما ينشر عنها، يكشف الحس النقدي العالي الذي بات يتمتع به السوريون إزاء دراما يرون أنها لم تعد تمثلهم، ولا تشرح واقعهم بدقة وموضوعية. 
ومن أبرز ما رصدته (أورينت نت) من تعليقات ما ينشره المخرج السوري جمال داود على صفحته على (فيسبوك)،  حيث تناول خلال الأيام الأخيرة  مسلسل (على صفيح ساخن) للكاتبين علي وجيه ويامن حجلي ومن إخراج سيف الدين السبيعي.

يمزج جمال داوود في تعليقاته التي تتسم بالظرف والذكاء بين الجد والهزل، ويحاول أن يقدم إشارات نقدية تشير إلى مواطن الخلل والركاكة في المسلسلات السورية التي باتت تصنع بأيدي أشخاص قليلي الثقافة والمعرفة، وآخرين متفاوتي المواهب والإمكانات. 
وفي تعليقه على مسلسل (على صفيح ساخن) كتب جمال داود سلسلة منشورات تناولت توجه المسلسل وأداءه يقول فيها: 

مبارح بلشت اتفرج على مسلسل "على صفيح ساخن" أكتر دور حبيته هو دور الآغا رئيس اللميمة كلهن.. ثاني دور لبقله للفنان عبد الفتاح من أيام زاهي أفندي. أنا قلت بعد زاهي أفندي مستحيل يعمل دور ثاني يتفوق عليه. بتصور حتى طلع الطقومة تبعه يلي كان مخبيهن من أيام مسلسل أبو كامل 1991 وما اضطر يشتري أي شيء جديد.
***


عندي كم سؤال قبل ما كفي مسلسل على صفيح ساخن...
 ليش في عنا شرطة كاتبين على ضهرن Police وفي شرطة كاتبين شرطة بالعربي؟ مفكرين تبيعوا المسلسل لـ نيتفليكس؟ 
سؤال تاني: الممثلة يلي قامت بدور دارين هي عاملة إعلان مدفوع لمركز القضماني تبع البوتوكس؟ سبونسر يعني؟ 
سؤال تالت: باسم ياخور ايمت رح يفوت بالدور تبعه ويبطل اندهاش؟
سؤال رابع: مشهد فوتة ابن المسؤول عالاذاعة وتهديد المذيعة بانه توقف البرنامج وهي هددته انها تذيع اسمه عالهوا وتفضحه قدام بيه المسؤول لأنه ما بيرضى عن هيك حركات. هاد فانتازيا تاريخية؟ ولا دراما معاصرة؟ 
سؤال خامس: الفنانة سمر سامي موجودة فعلا بالمسلسل ولا أنا عم اتخيلها؟ 
السؤال الأخير: أمل بوشوشة ليش بتحكي شامي؟
***


منيح نحنا عنا بسوريا حسوا ما في أمل من الصراع على الحكم.. قام عملوا مسلسل عن صراع نباشة الزبالة.  هاد الشي الوحيد المسموح نتصارع عليه.
***


معلش يا فنانتنا سمر سامي الشوام اضطروا يشحدوا على بواب الجناين بهاد الزمن... معلش شو بدنا نساوي من لما صاروا يحطوا "الترامادول" بالحلويات ويضروا هالمجتمع كله وينبشوا بالمزابل. بالنسبة لباقي المحافظات بقا الله يعينن ع هالشوام.. حاكمين هالبلد بالقوة شو بدنا نساوي. 
***


مسلسل على صفيح ساخن تاني مسلسل سوري بيحقق كل أحلام فرع التوجيه المعنوي والمساعد حيدرة وقناة سما عن الشوام [الدمشقيين].. من لما طلع مسلسل (ما ملكت أيمانكم).
*** 


عزيزي الكاتب علي وجيه: 
قصة أنه الشوام يحطوا الترامادول بالحلو ببلاش لحتى يدمن عليها الزبون مو زابطة، مو لأن الشوام بخلا، لأن الحلو تبع الشوام من دون أي اضافات بيعمل إدمان. 
يمكن أنتو باللادقية مفكرينو هيك.  
***

commentالتعليقات

إقرأ أيضاً

if($('.nav-wrapper').width()<900){ google_ad_client = "ca-pub-8530768961177157"; google_ad_slot = "8024336238"; google_ad_width = 300; google_ad_height = 250; } else { google_ad_client = "ca-pub-8530768961177157"; google_ad_slot = "1705860969"; google_ad_width = 728; google_ad_height = 90; }
ضحايا مدنيون جراء قصف لميليشيا أسد على بلدة آفس شرق إدلب.إصابة جنديين من الجيش التركي بقصف لميليشيا أسد على نقاط المراقبة في جبل الزاوية بإدلب.ميليشيا قسد تنفذ حملة مداهمات واعتقالات في ريف دير الزور الشرقي بمساندة التحالف الدولي.إصابة امرأة وطفليها بقصف مدفعي لميليشيا أسد على محيط مدينة الأتارب بريف حلب.احتجاجات وقطع للطرقات في لبنان على خلفية تفاقم أزمة المحروقات وملف التهريب.أمريكا تحجب 33 موقعا لوسائل إعلام إيرانية رسمية وشبه رسمية.الولايات المتحدة تدرس منح اللجوء للاجئين الذين رفضت إدارة ترامب طلباتهم.روسيا تعترض مدمرة بريطانية لانتهاكها المياه الإقليمية في البحر الأسود.https://www.facebook.com/Orient.Tv.Net/.https://twitter.com/orientnews?lang=en