Artêşa Tirkiyê operasyona xwe li Dêrsimê berfireh dike

Hate ragihandin, ku artêşa Tirkiyê, operasyona çend rojan berê li Dêrsimê li dijî gerîlayên PKKê destpê kiribû, berfireh kir. 

Li gorî agahiyan, yekîneyên taybet ên artêşa Tirkiyê li Newala Çemê Munzirê li devera Pira Veng a Dêrsimê, li dijî gerîlayên PKKê operasyona, ku dabû destpêkirin berfireh kir û bo vê yekê bi sedan leşker û bi dehan wesayîtên zirxî tevlî operasyonê bûn.

Helîkopterên şer jî ji aliyê xwe ve hin dever bombebaran kirin û leşkerin bêhtir bi helîkopterên skorskî bo deverê hatin veguheztin.