Wezareta Parastinê ya Frensa di daxuyaniyekê de ragihand, ku balafirên şer ên Frensî êrişî navendeke rahênan û perwerdeya leşkerî ya rêxistina terorîst a DAIŞê li bajarê Minbic ê li rojavayê çemê Firatê kirin.
Di daxuyaniyê dehate eşkerekirin, ku balafirên şer ên Fransa ew navenda leşkerî ya DAIŞê li bajarê Minbicê bi tevahî wêran kirin û çekdarên di nav de hemû hatin kuştin.
hêjayî gotinê ye, ku hêzên YPGê û HSDê li çend deverên bakurê Helebê û derdora bajarên Minbic, Bab û Izazê çend gund û cihên giring ji destên çeteyên DAIŞê, Eniya El-Nusra û Ehrar El-Şam derxistibûn û bi awayeke rasterast li aliyê rojavayê çemê Firatê dest bi operasyonan kiribûn.
Bajarê Minbicê li bakurê rojhilatê parêzgeha Helebê ye û girêdayî navçeya Cerablusê ye.
التعليقات (0)